मिर्गौला फेल हुन लागेको लक्षण कसरी थाह पाउने ?

सुरूको अवस्थामा मिर्गाैलामा प्रोटिन भन्ने तत्व चुहिन हुन थाल्छ । विस्तारै त्यो बढदै गएपछि पछि मिर्गाैलाले काम गर्न छाडने हो । प्रोटिन तत्वको चुहिन थालेपछि पिसावमा अत्यधिक फिज आउन थाल्छ । त्यसबाट पनि मिर्गाैलामा खरावी छ भन्ने थाह हुन्छ । साँझपख गोलीगाँठाहरू सुन्निन थाल्छ । विहान उठदा आँखाको डिलहरू सुन्निने गर्छ, त्यस्तो भएका व्यक्तिले पनि एक पटक मिर्गाैला परीक्षण गर्नुपर्छ । राती सुतेपछि धेरै पिसाव हुनु अर्थात तीन पटक भन्दा धेरै पटक पिसाव भयो भने । विहान उठ्दाधमिलो, कोकाकोला जस्तो, धुवाँजस्तो पिसाव आउछ भने । कहिलेकाही अत्यधिक कोखा दुख्ने गर्छ भने । रगतको कमीले शरीर थाक्ने गर्छ भने । वाक वाक लाग्ने गर्छ भने । त्यसबाहेक यदि खुलेर पिसाव आउदैन भने , पिसाव गर्दा बल गर्नु पर्छ , थोपा थोपा भएर आउछ , पिसाबका बेला पिडा हुन्छ , रातीमा धेरै पटक पिसाव हुन्छ , ठूलो हुँदासम्म निदाएका बेला ओछयानमा पिसाव हुन्छ भने त्यस्तो व्यक्तिलाई पछि गएर मिर्गाैलाको रोगको सम्भावना हुनसक्छ । त्यसैले समयमै गएर परिक्षण गर्नुपर्छ ।